Rider skate board
Riklañ ha ruzañ a reer
On chante on invente
Kanañ hag ijinañ a reer
Artistes
Game ha frame a vez graet

Deuit frank !

Ateliers des Capucins eo brasañ plasenn goloet Europa 

 

… ha deoc'h-c'hwi eo en he fezh ! 

 

Troterez, belo, plankenn-ruilh, piknik, gortozenn evit un deiz-ha-bloaz… perc'hennit he sal ar mekanikoù 10 000 m2 evit ober sport, kaozeal, c'hoarzhin, distennañ...

Digoust eo evit an holl ha digor e vez bemdez. Enni emañ ganeoc'h kement frankiz zo (pe dost) !

Brestiz, deoc'h da c'hoari !

Ul lec'h evit ar genskoazell hag ar c'henlabour e-kreiz ar veurgêr, Atalieroù ar Gabusined a laka en ho kerz e-leizh a ostilhoù hag a obererezhioù, deoc'h da zistankañ war ho c'hoantoù.   

 

Ur gwir vagazenn sevenadurioù ha kurioziteoù ez eo, ha graet eo evit lakaat donezon ha chemet ar vro war wel, re an amatourien evel re an dud a vicher.

 

Téléphérique arrivant aux ateliers

Gwelit, meskit… Saourit !

Gant un droig teleferik pe tram, kit d'ar Gabusined davet sportourien ar Sul, ar grimperien arroutet, ar c'h-geeked, ar skaterien, ar familhoù, an arzourien, ar startuperien, ar re a zo sot gant ar sinema, al lennerien, an ergerzherien...

 

En ur evañ ur banne pe en ur zebriñ ur pred, kontit ar pezh oc'h gwrac'h gantañ ha grit anaoudegezh gant ar pezh a blij d'ar re all e-kreiz ul lec'h hag a zo e arkitektouriezh hag e istor hep o far.

Photo café
Photo ananas
Galerie
Photo food

Lavaret ho peus trede plas ?

Un trede plas zo ul lec'h graet evit kejañ gant ar re all, en em vodañ, distennañ, deskiñ, lodañ traoù, kaozeal, pleustriñ obererezhioù a-hiniennoù pe a-stroll.

 

Setu e c'hallit ober kement-se war un dro en Ateliers des Capucins ! Straniñ en ur c'h-concept store kosmek, splujañ er gwirvoud galloudel, kemer tro eus an deknologiezh sinema penn-araok, evañ ur banne kafe pe traoù all, krimpat betek 17m, krouiñ start-up an amzer da zont ha lenn ouzhpenn 120 000 a levrioù a-raok ober un ehan en ur food court gant ur gwel meur war Vrest!

Oberer pe arvester ? An 2 !

Ur gwir v-melting place eo Ateliers des Capucins. A-hed ar bloaz ho pez tro da bleustriñ hoc'h obererezhioù gwellañ-karet eno, ha d'ober anaoudegezh gant re all. 

 

A-wechiennoù, abadennoù bihan pe vras a ra deoc'h bezañ arvesterien e-pad ur sonadeg, un abadenn evit reiñ ur sport da welet, un arvest pe un diskouezadeg.

Deoc'h-c'hwi - amatourien pe tud a vicher - da zegas ho soñjoù hag an traoù oc'h sot ganto evit ma vo dibar al lec'h-se, evel m'eo liesseurt !